THEODORICUS I

I.

THEODORICUS I

Austrasiae Rex primogenitus Clodovaei M. Hermenfridum Thruingiae Regem cui opem tulerat, ingratum, in aulam pellexit, illumque de muro praecipitem dari iussit: Childebertum, dum ille bellô detineretur, Arverniam invadentem, redux pepulit, Obiit A. C. 534. Successit fil. Theodebertus. Gregor. Turonens. Aimoinus etc.

II.

THEODORICUS I

Wisigothorum Rex in Hispania VI. Theaderedus Scaligero, aliis, Valliae successit, A. C. 419. vel 29. Ab Arelati obsidione, virtute Aetii repulsus, paulo post Litorium, Ducem Romanum, Ethnicum, cepit duxitque tholosam. Dien Merovaeo Gallorum Regi, Aetio, Theodorico et Gundicario Burgundionum Regi iunctus, Attilam in campis Catalaunicis, vel, ut Morerio visum, Secalaunicis vieit, re ibi fortissime gestâ, occisus in praelio A. C. 451. regni 23. an 33.? Idacius, et Isidorus in Chron. Paul Diac. l. 15. Iornandes de rebus Goth. Greg. Turonens. l. 2. etc. Vide quoque Theoredus.

III.

THEODORICUS I

fil. Clodoviaei II. frater Clotarii III. et Childerici II. Gallorum Rex, qui ignaviae deditus, adeundi salutandique sui copiam nulli, nisi Calend. Maii faciebat, et per Ebroinum regnum administrabat. Hanc ignaviam regni proceres indigne ferentes, Theodoricum et Ebroinum monasteriis incluserunt, advocatô in regem Childericô, A. C. 673. Sed ambo, post huius mortem, inde liberati sunt; et Ebroinus quidem, dignitate Maiordomatus poritus denuo, non paucos Procerum ultioni suae sacrificavit: Theodoricus autem, regni umbram tenuit, usque ad A. C. 690. per ann. 14. vel. 24. Ex Clothilde, pater Clodovei III. et Childeberti Iusti, qui familiam propagavit. Vide Gregor. Turonens. Aimoinum, etc.